मन्त्रीज्यूको खोक्रो मधेसीवाद

November 10, 2006 at 9:28 am Leave a comment

मन्त्रीज्यूको खोक्रो मधेसीवाद

– राजेन्द्र सिंह ँक्षणिक’ 

कान्तिपुर टेलिभिजनको कार्यक्रम ‘बहस’ हेर्दै थिएँ, त्यहाँ मन्त्री हृदयेश त्रिपाठी माओवादी जोशका साथ प्रस्तुत भए भने माओवादी नेता मातृका यादव संयमित रूपमा ।

मन्त्रीज्यूलाई आफ्नो वेशभूषाले मात्र मधेसी नेताका रूपमा स्थापित गर्न नसकेको तथ्य राम्ररी थाहा रहेछ । अन्यथा ‘मधेसी’ शब्दको ‘कपिराइट’ नै आफूसँग भएझैं उनी कुर्लनुको अर्थ बुझ्न सकिन ।

आफ्नो वर्ग, समुदायको हितका लागि लड्ने नेताले सुरुदेखि त्यहीअनुसार रवैया अप्ानाउनुपर्ने होइन र ? माओवादीको एजेन्डा र शैली पछ्याउन खोजेरमात्र क्रन्तिकारी छवि निर्माण हुन्छ र ? ‘पहाडियाले मधेस छिरेर बर्बाद गरे’ भन्नुको अर्थ के हो ? मधेसको बर्बादी पहाडियाले गरेका हुन् भने उहाँले चाहिँ काठमाडौं पहाड -मन्त्रीज्यूकै परिभाषामा) मा बसोबास गरेर सदनमा भारतीय पहिचानको भाषा -मैथिली, भोजपुरी आदि) भेष लगातार पेश गरिरहनुचाहिँ कुन हदसम्मको काम हो ? मन्त्रीज्यू, मधेसी…मधेसीको रट लगाइरहनुभएको थियो । उहाँलाई केही प्रश्न- तराईमा सिंह, यादव, झा, मिश्र, त्रिपाठी, ठाकुर, पासवान आदिको मात्र बसोबास छ ? यी मुख्यतया पूर्वी तराईका वासिन्दा हुन् । मधेस भन्नाले तराईको कुन भूभाग हो ? सम्पूर्ण तराई मधेस हो भने पश्चिम तराईमा त उहाँको भाषाका पहाडिया पनि मूल वासिन्दाका रूपमा छन् नि त । त्यस अर्थमा पश्चिम तराईका मधेसी को हुन् ? पश्चिम तराईमा बस्ने पनि मधेसी नै हुन् भने पहाडियाचाहिँ को हुन् ?

राजनीतिक स्वार्थका लागि नेपालमा जसले जे फलाके पनि हुन्छ ? काठमाडौंका भित्तामा हिजोआज ‘गर्वले भनौं, हामी मधेसी हौं भनेर…’

विदेशिने लोभी होइन, माटोलाई माया गर्ने वर्ग हौं भनेर’ -नेपाली रूपान्तरण) भन्ने नारा पढ्न पाइन्छ । विदेशीने वर्ग भन्नाले को हो ? वैदेशिक रोजगारमा मधेसी जाँदैनन् भन्न खोजिएको हो ?

मन्त्रीज्यूले मधेसीलाई नागरिकताबाट वञ्चित गराइएको उदाहरण दिने क्रममा चमार जातिले कहिले पाउँछन् नागरिकता भन्ने प्रश्न तेस्र्याउनुभएको थियो । चमार जातिविषेशलाई मधेसी मन्त्रीले अति पिछडिएका वर्गका रूपमा चित्रित गर्न खोज्नुभएको भए मलाई बताइदिनुहोस्- तपाईंको नागरिकता अभियानले तिनीहरूको तुरुन्तै भोक मेटिन्छ ? तपाईं अहिले आपूर्तिमन्त्री, चमार लगायत तराईका अति पिछडिएका वर्गलाई छाक टार्न खाद्यान्नको कुनै विषेश व्यवस्था मिलाउनुभएको छ ? कि मधेसी जाति जनजातिलाई नागरिकता अभियानले मात्रै पेट भर्न पुग्छ ?

यहाँ चमारले मात्र होइन, अरू भूभागमा -म तपाईंजस्तो पहाडिया…पहाडिया भन्दिन) बस्ने कति चेपाङ, राउटे, लेप्चा आदिले नागरिकता पाएका छन् त ? के पहाडमा बस्ने कुनै वर्गले नागरिकता नपाएकोलाई पनि घोर पक्षपात भन्ने ? मन्त्रीज्यू, वास्तविक अर्थमा यो हरेक जातिको राज्यमा पहुँच अनि त्यसको व्यवस्थापनको सवाल हो । तपाईंलाई गाउँ-गाउँ गएर नागरिकता अभियान चलाउन कसले रोकेको छ ?

अन्त्यमा, मधेसका मुद्दा उठाउनु आजको आवश्यकता हो । तराई मूलका समस्त सामाजिक एवं आर्थिक मुद्दाको विश्लेषण अनि रचनात्मक समाधानमा बढी तल्लिन हुनु सबैको हितमा छ । लोकतन्त्र आइसकेको छ, अब विगतमा पाइएका पीडाको विश्लेषण गरेर अरू जातिलाई गालीगलौज्ा गर्ने प्रवृत्ति त्याग्नुपर्छ । इतिहासबाट पाठ सिक्ने हो, इवी साध्ने होइन । र आज समुन्नत समाजका लागि अघि बढ्नुपर्छ ।

Source::http://www.kantipuronline.com/kolnepalinews.php?&nid=90723

Advertisements

Entry filed under: Articles.

Case Study – Tale of two towns in the tarai Towards a Democratic Nepal: Inclusive Institutions for a Multicultural Society

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Celebration of 1,00,000

Madhesi Voice

United We Celebrate

People Celebrating faguwa (Holi), with the fun of music, quite popular among Terai people. Holi is celebrated each year on the eve of falgun purnima Faguwa (Holi) Celebration

Past Posts

Archives

Enter your email address to subscribe to this blog and receive notifications of new posts by email.

Join 46 other followers


%d bloggers like this: